فضفضه

احلى واوحش حاجه فى الانسان هى الفضفضه فاحيانا تكون مفيده واحيانا تعود بضرر
فتعالو سويا اصدقائى بالفضفضه بما يزعجنا جميعا او اى موضوع مزعج ممكن نفضفض بيه وان شاء الله نساعد بعض سويا على ايجاد الحل ان شااااااااء الله
وارجو ايضا ان تدلو برايكم فى هذا الموضوع فعلى حسب ردودكم ورايكم فى الموضوع سوف نبدا الفضفضه ام لا

اخى اهلا بيك فى فضفضة
اتمنى أن يشاركك كل أعضاء المنتدى ولو نجح هذا الموضوع ممكن نثبته ويكون موجود ومتتابع تقبل مرورى وتحياتى

فكرة حلوة يا أخى شيتوس
الفضفضة مهمة جدا

فضفض يا حبيبي انت تامر

شكرا لمروركم

فكرتك راائعه جداا ودعوة مميزة
بس ليه مفيش اى حد فضفض باجابته؟
رغم الاجابات مؤيدة للفكرة
وليه انت نفسك لم نرى فى سؤالك فضفضة؟
يمكن خايفين؟
او مكسوفين؟
انا هبدأ وافضفض
ليه اصبحنا كثيرى الشكوى؟
بنشتكى من لا شئ ومن كل شئ
احيانا كتير
اجد ناس بتشتكى وشكوتهم توجع قلبى بالفعل
وأبدأ افكر معاهم فى فحوى مشكلتهم ومحاولة ايجاد الحل
افاجئ انى اجدهم غير مهتمين بايجاد الحل
وكأن الامر انتهى لمجرد الشكوى
ولا يهم ابداا ايجاد الحل
هل ده نوع من الفضفضة التى تريح النفوس وخلاص؟
ام هى حالة من اليأس تدفع الناس ان تشكو وهو موقنة من داخلها بعدم وجود حل
فتكتفى بالشكوى؟
وليه شكوانا اصبحت حتى من الامور التى يمكن تحملها
هل اصابنا الضعف؟
ام تعودنا الرفاهية الزيادة؟
شكرااا لهذه المساحة من البوح

ايوة كدة افتحى مجال للفضفضة يااختى مصرية
عندك حق يا أختى مصرية الناس بقت كثيرة الشكوى
بس ممكن يكون ده لان الحياة بقت صعبة اوى
فبيحاولو يخرجو شحنات الغضب اللى داخلهم فى صورة كلام
ومبيفكروش ازاى يحلو المشاكل أصلا
وممكن من كتر الشكاوى الانسان يتعود على انه يشتكى وكمان يخرج اسراره من غير ما يشعر
وكمان التعود ده اللى بيخليهم يشتكوا من اى حاجة سواء تستاهل او لاء
تقبلوا مرورى

الفضفضه كلمه مريحه و لكن ليست كل امور الحياه يستحب فيها الفضفضه يعنى لايمكن ان يكون شىء من افشاء اسرار البيوت ان تكون نوع من الفضفضه ولكن الفضفضفه لا تكون الا للامور التى يستحب فيها اخذ الراى للمشورى يعنى موضوع ضايقنى او شىء يألمنى وعايزه ابوح بيه حتى استريح منه او يحمله غيرى عنى فلا باس اخى ولك تحياتى و تقبل مرورى