ليه

كلنا يحلم يتمنى بكتير و كتير لكن واه من لكن عندما تتحقق الاحلام او الامانى اجد الغالبيه لا يشعروا بالسعاده لما حققوه و دايما يتمنوا الاعلى او الافضل بل قد يندبوا حظهم ان غيرهم حصل على اعلى منهم بالرغم انهم حققوا اللى كانو بيحلموا بيه او كانوا يتمنوه شىء غريب شىء محير ليه هل لان ده طبيعة البشر عدم الرضا و القناعة او انها النفس التى لا تشبع ام هو الطمع فى المزيد و المزيد اللى اصبح سمة غالبية البشر فين الاجابه فين الرد اللى يريح النفس لكم تحياتى جميعا اخوتى

سبحان الله
فى الوقت الذى كنتى تكتبى سؤالك اختى الغالية
كنت اكتب سؤال آخر...اوجهه لكم جميعا
وبمعنى قريب جدا من سؤالك
ربما نفس المعنى
وبعد ماكتبته ووضعته
فوجئت بسؤالك
آسفة غاليتى لن استطيع اجابتك
فانا اليوم اشعر بنفس ماتشعرين
ويخنقنى وجع البشر للبشر
واتمنى ان نجد معا من يجيبنا على اسئلتنا الحائرة
تمنياتى لكِ بالخير حبيبتى ويسعد لى صباحك يارب

كنت اتمنى اسمع رايك اختى مصريه فانا اشعربك كثيرا مجرد امنيه

امنيتك غالية اختى الكريمة
تؤمرى
ساجيبك بنفس اجابتك التى اجبتينى بيها
ربما عندما تجديها من خلالى
تدركين ان كنتى بحاجة لها ام لا
(صدقينى لو شغلتنا عيوبنا الكثيره التى تملئنا لما اصبح عندنا وقت لنرى عيوب غيرنا)
وسأزيدك عليها
طوبى لمن شغله عيبه عن عيوب الناس
تحيااتى لكِ

أختي الفاضلة ســـوسو
شكرا أختي على هذا السؤال القيم والهام .. فهو يمس حياتنا جميعا
إن شاء الله يا أختي خلال ساعات قليلة ستجدي إجابتي على سؤالك
بس سيبيني كده أفكر شوية .. لأن سؤالك مهم .. ومحتاج فعلا للتفكير
وبعدين تعالي هنا انتي وأختي الغالية مصرية
إيه جو الحزن ده اللي انتوا حاطينا فيه
انتوا ناويين تقلبوا الصفحة تراجيديا وللا إيه بالضبط؟
ههههههههههههههه
تحياتي وتقديري

صدقنى يا اخى بعد ما فتحت المنتدى الصبح و شفت اللى حصل فية وتعبنا اللى راح هباء جراء نفوس غير مسئوله و انا حتى مالى اى نفس لشىء الست معى ان ده حرام و كتير بردة نفسى اعرف ليه ؟

اخوانى وأختواتى
لا تحزنوا على قدر مهما حدث
البناء كان جميل ومزخرف بجد مزخرف علشان كلنا كنا نعمل ليس من أجل الدنيا ولا زينتها ولا أى شىء والله شاهد على ما أقول ومن أراد الدنيا أراد التخريب ووسوس له الشيطان أن يفسد علينا ما نقوم به من عمل لوجه الله فسار فى طريق الشيطان وحدث ما حدث ولكن نقول لهم والله ما فعلتوه أعطانا قوه أكتر من قوتنا وسنعيد البناء بأمر الله تعالى مرة آخرى وانتم تزرعوا ونحنوا نزرع والفرق واضح بين ما نزرعه وما تزرعوه اتمنى مساعدتكم جميعا فى المرور من هذه المحنه التى تعرضنا لها جميعا وأقول لأخواننا أعداء النجاح وأعداء الطريق الواضح حسبى الله ونعم الوكيل تقبلوا تحياتى وشكرى واحترامى

اختى الجميلة سوسو
عايزة تعرفى ليه؟
لان فيه زى مافيه خير فيه شر
وزى مافيه امان فيه غدر
لولا وجود الاذى بالطريق
ماكتبت حسنات لاماطة الاذى
صح؟
مش مهم ال راح
واوعى تتسلل روح اليأس لنفسك وتقولى نفسى اتسدت
يلا بسرعه عوضى ال فات وابدأى من جديد
انتى كسبتى حسنات كتير اوى من غير ماتعملى اى حاجة
نقول الحمد لله ونتوكل على الله ونبذل جهدنا لوجه الله
وبالله التوفيق

الحمد لله و حسبى الله و نعم الوكيل

أختي الفاضلة سوسو
أختي الغالية مصرية
أخي الحبيب فتحـي
أختي الفاضلة نوش
بجد بئى .. ماسبتوش ليا حاجة علشان أقولها
لكن غتاتة مني .. هتكلم برضه
رغم إن كلامي يمكن مش هيضيف كتير
-----------------------------
بسم الله الرحمن الرحيم

أنا يمكن نظرت للأمر بشكل مختلف قليلاً ..
بالطبع ساءني جداً ماحدث وأحسست بشعور قوي جدا بــ ... دعوني أبحث عن كلمة مهذبة .. بالاشمئزاز ..
ولكني فكرت كثيراً .. وتدبرت الأمر .. فكرت في السبب الذي يؤدي إلى مثل هذه التصرفات
-----------------------------------------
هل هو الغيرة ؟ ..
وفكرت كثيرا في ذلك الشعور الغريزي الذي خلقه الله فينا
الغيــــرة
فكلنا نغــار
ولكن الغيرة تختلف .. بين إن كانت على إنسان .. أو من إنسان
كل إنسان يغير على من يحبه .. أياً كان هذا الحبيب
زوج - زوجة - أب - أم - أخ - أخت - حبيب - حبيبة - صديق - صديقة
هذه الغيرة في نظري .. وقد تتفقون معي .. هي غيرة محمودة .. بشرط أن تكون في إطارها المقبول
باختصار .. ألا يكون ورائها أنانية .. أو حب للتملك ..
أما النوع غير المحمود من الغيرة ..
هو الغيرة .. من ......
هذه الغيرة .. إن تعاظم الإحساس بها .. فقد تؤدي إلى ما لا يحمد عقباه
مثال على ذلك .. قابيل .. وهابيل .. أول أخين على ظهر الأرض
قتل قابيل .. هابيل .. بسبب الغيرة
وقانا الله وإياكم شر هذا النوع من الغيرة
-------------------------------------------
فكرت أيضاً في دافع آخــر محتمل .. وقد يكون هو الأقرب
الانتقــــام
و الانتقام .. على طريقة شمشــون
وهذا الدافع أحبائي
خصوصاً إن صدر من إنسان .. كانت له صلاحية ..
واستغل هذه الصلاحية في الانتقام ..
فهو لا يعتبر مجرد انتقام
هو بكل أسف ..
غــدر ..
و خيانة للأمانـــة ..
-------------------------------------------
وأيا كان الدافع .. فلا نستغرب أحبائي
فليس كل البشر طيبين
نحن البشر .. نختلف
منا الشريرون .. ومنا الطيبون
منا الأمناء .. ومنا الخونة
منا الأوفياء .. ومنا الغادرون
منا من يفرح لإخوانه بخير أصابهم .. ومنا من يحسد ويحقد
منا من يحزن لألم أو مصيبة مست إخوانه .. ومنا من يفرح ويشمت
منا المتواضعون .. ومنا المغرورن
وغير ذلك كثيـــر
هكذا هي تشكيلة البشر إخواني
منذ أن خلق الله الأرض وماعليها
وحتى تقوم الساعة
-----------------------------------------
فلا نحزن أختي سوسو .. ولا نيأس
ولكن نتأمل .. ونتدبر
ونحمد الله .. أن خلقنا أسوياء طيبين
ونفتش في دواخلنا عن عيوبنا ونواقصنا
فنحاول أن نصلح العيوب .. ونكمل النقص
ونســامح من أذانا
ونتركه للمولى عز وجل
ونكمل نحن مسيرتنا
نحب بعضنا في الله
فيحبنا الله عز وجل
-----------------------
أدعو الله لي ولكم جميعاً أحبائي ..
أن نكون ممن أحبهم الله عز وجل
-----------------------
شكــرا لك أختي الفاضلة سوسو
شكــرا لك أختي الغالية مصرية
شكــرا لك أخي الحبيب فتحـي
شكــرا لك أختي الفاضلة نوش
شكــرا لكم أحبائي جميعـــا
الصفحة منورة ومشرقة بيكم
----------------------
استنوا بئى لما أشوف أنا كتبت إيه
سامحوني .. طولت كتير

كلامكم على عينى وراسى والله وكله عقل
بس انا معنديش غير تفسير واحد ان فيه ناس عندها مبادئ واخلاق ومتربية ومحترمة وناس معندهاش واقنعه وشعارات وخلاص ودى ناس وجودها فى اى مكان محترم يخربه ويسئ ليه والحمد لله نحمد ربنا على كل حال ونشوف حالنا ومصلحتنا بقى

فعلاً أخي فارس .. لايجب أن نلتفت إلى الوراء
شكراً أخي .. رأيك فيه إضافة هامة للموضوع
تقبل تحياتي وتقديري

اشكركم جميعا على اجابتكم لسؤالى المتواضع اتنورت المحكمه تحياتى للجميع

سوسو كتب:

اشكركم جميعا على اجابتكم لسؤالى المتواضع اتنورت المحكمه تحياتى للجميع

العفو أختنا الفاضلة
فين السؤال التاني؟
ههههههههههههههههه
منتظرين أسئلتك الهامة أختي وأسئلة أحبائي جميعا
علشان الصفحة بتنور بيكم
تقبلي تحياتي وتقديري أختي الفاضلة