نداء عاجل

ايه جو الخمول اللى انتو فيه ده
عايزين شوية نشاط
الاخت مصرية مطلوب حضورها لمطبخ المنتدى فورا اتفضلى اعملى العشا لاخواتك انا عايز كوارع وفتة كوارع وشوفى البهاوات ياخدو ايه
وبعد ماتعملى العشا وخصوصا فتة الكوارع اغسلى المواعين كويس واطلعى على السطوح فى صفحة الحوار غيرى للحمام والفراخ وتعالى فى الاخر على الشات عايزه بيلمع ويبرق انهرده
يلا ياعم سعيد اعمل لنا السلطة وانا هروح اجيب لكو الفاكهه ماشى ياعم الحاج فتحى انت مدلع على الاخر ولا عملت حاجة

هههههههههههههههههههههههه
ماشى ياسى فارس انت تؤمر
اغير للحمام والفراخ ازاى مش لما تشترى لهم البامبرز طيب؟
ده انت هتاكل ضرررررررررب انهرده من اخواتى هههههههههه
بجد نورت مكانك اخى

ههههههههههههههههههههههه
حاضر يافارس باشا .. على عيني وراسي
السلطة جاهزة يافندم
طماطم وخيار وخس وجرجير وبصل وبقدونس وفلفل رومي وزيت زيتون وخل وليمون وكمون ورشة ملح خفيفة
حد عاوز حاجة تاني قبل مانقفل قسم السلطة؟
ماتنساش تجيب معاك السائع مع الفاكهة علشان نبلع يافارس يابني
وبعد ما الأكل يجهز خللي بالك
هنحرمك من العشا وتفضل واقف كده تخدم علينا لحد ماتبطل تشاغب مع مصرية
ههههههههههههههههههههههه

دايما ظلمنى يا فارس وأنا واقف من بدرى منتظر فى الطابور علشان اشترى العيش
ممكن تيجى تقف معايا فى الطابور ولا اقولك كفايه عليكى تشترى البتاع ده اللى قالت عليه اختك مصريه الواحد بينسى
منور أخى بجد حمدلا على السلامه يا بو أجمل أبتسامه

اخى الغالى فتحى

العيش؟ هى وصلت لطابور العيش؟

يعنى حضرتك هتلحق تيجى قبل رمضان ولا لا؟

هههههههههههههه

هههههههههههههههههههههههههههههه
اشترى لكو بامبرز عشان تغيرو للفراخ والحمام اللى على سطوح المنتدى
ايه البغددة والعز اللى انتو فيه ده
ده انا اكلهم اوفر لى قال بامبرز قال
مينفعش كدليز؟ اهو مصرى وعلى قدنا
وبعدين يافتحى ياخويا الطابور اللى انت واقف فيه بقالك اربع ايام ده مطلعش طابور عيش ده طابور ارقام جلوس ثانوية عامة ياريتك تجيب لنا رقمين مميزين كده يكونو حلوين وسهل الحفظ ومسلسلين هههههههههههههههه
انهرده مش عاوزين كوارع عاوزين محشى وبط وشوية ملوخية حلوين يلا على البركة بسرعه شوية يامصرية عاوز ارجع انا واخواتك من الصلاة نلاقى كله تمام بطلى الكسل والوخم اللى انتى فيه ده مش كل يوم اعلمك حاجة يكششششش يتمرررررررر بس

ههههههههههههه حاضر
بس ممكن افهم حضرتك علمتنى اى علشان يتمر؟؟؟؟؟
بجد منور اخويا الغالى

هههههههههههههه بجد دمكو خفيف وشكل فارس هو الهيغير للحمام والفراخ والحاجات دى
هههههههههههه

ههههههههههههههههه
كده ياسالمينا انتى كمان عليا
ده انا لسة كاتب قصيدة شعر فيكى فى الموضوع الى فات
ههههههههههههههههه صدمتينى يابنتى ياسالمينا

مش عاوزين اى مساعدة
اشترى لكم حاجة ولا اساعدكم فى الطبيخ
انا فى الخدمة

نورتى يا نور فيك يا بنتى من فترة قلقنا عليكى
يارب ما تغيبى عنا ابدا منورة مكانك بس شكرا
لأن فارس خلاص غير للحمام والفراخ وعمل اللازم
زى ما قالت سالمينا له يقدر ما يعملشى كده كنا ند..................؟
هههههههههههههههههههههههههه
شكرا لكم جميعا

المنتدى منور بيكم يا استاذى الفاضل
بعتذر عن الغياب بس الكمبيوتر كان بيعمل عملية فى المستشفى
وخلاص صحته اتحسنت الحمد لله
يعنى خلاص الاخ فارس هيقوم بلازم
خلاص محدش بقى يقلق تانى هههههههه
شكرا ليك يا اخى فى الله

نورتى اختى المنورة نور الحمد لله انك رجعتى بالسلامة
طبعا محتاجين مساعدتك تعالى هنا انتى ماصدقتى وهتزوغى ولا هى عزومة مراكبية
اتفضلى مع اخواتك على المطبخ عاوزين ناكل ومجوعينا من الصبح لسة مخلصوش
انما موضوع الحمام والفراخ ده خلاص اتحل طلع ان عندهم اللوز ودبحناهم وبيعناهم مفروم تاخدى سندوتش
اوعى تغيبى عن اخواتك تانى اختى الصغيرة المهذبة

شكرا ليك يا اخى فى الله فارس
اكيد طبعا كنت بعزم عزومة مركبية بس شكلى كدة هتدبس
بس خليك فاكر انك انت اللى قلتلى ادخل المطبخ
عشان بعد كدة متقولش الاكل غريب ليه
بس متخفش هو هيبقى نفس شكل الاكل اللى اتعودتوا تشوفوه بس الطعم بقى ده بتاع ربنا
والحمد لله انى اتطمنت عليك من ناحية حكاية الفراخ والحمام دى
كويس انك دبحته عشان كان ممكن يطلع عنده انفلونزا الطيور ولا حاجة
شكرا ليك يا اخى الفاضل فارس الله يخليك ويبعد عنك كل الشرور

لا احنا مش هنقول الاكل غريب ليه واى حاجة هتعملوها هناكلها من سكات
وفيه وحدة اسعافات اولية موجودة احتياطى عشان حالات التسمم
يعنى كل حاجة معمول حسابها متقلقيش اختى نور انتى بس ورينا الهمة
ربنا يحميكى انتى ويحافظ عليكى ويبعد عنك كل شر انتى وكل اخواتنا المسلمات منورة اختى الصغيرة المهذبة نور