التنازلات

تغيرت القيم تغيرت النفوس اصبحنا لا نرى شيئا الا الوصول لغايتنا مهما كانت الوسيله مهما كلفتنا المهم نستغل او نقتنص الفرصه و الوصول للهدف لماذا هانت علينا انفسنا اصبحنا نتنازل عن كرامتنا و كبريائنا كل ده ليه علشان المال علشان الحياه المرفه علشان علشان والله كل ده لايساوى لحظة صفا نعيشها دون كرامه فين المصرى الاصيل فين المبادىء فين القيم والله نفسى اشوفها فى الواقع زى ما بشوفها فى افلام الابيض و الاسود ليه دايما نقول ده كان زمان ليه هو الانسان مش هو الانسان ولا الزمن الماضى ناس من تراب والناس الان من كوكب اخر ردو وقولولى لماذا لماذا كل هذا

من ايام قابيل وهابيل والى يومنا هذا وحتى قيام الساعه
كل اللى انتى بتقولى عنه ده موجود والعكس كمان موجود
بس المهم اننا نحسن الاختيار
انا حاسس كم الالم فى كلامك وكم المرار وصعوبة الحياة وقسوتها وواضح انك مريتى بموقف سبب الالم لقلبك والصدمة لنفسك
متزعليش كلنا بنمر وسوف نمر بكل الماسى والفشل والسقوط والصدمات كلها
بس لازم نرجع نقف تانى ونحتفظ بالتوازن وندور على الصح جوانا
لما تلاقى الناس بتتنازل عن مبادئها وقيمها واحيانا عقائدها كمان عشان الفلوس
متزعليش ومتشتغربيش ومتشغليش نفسك بيهم واحتقرى بينك وبين نفسك افعالهم حتى لا تتصرفى مثلم يوما وحتى تحسسى نفسك انك انتى صح وانتى مش زيهم
ولو تنازلهم ده لمسك انتى وقرب منك متزعليش كفاية عليكى انك صح ومخسرتيش احترامك لنفسك
نصيحة اخ

عزيزتى سوسو
بشكرك لموضوعك الرائع والذى أصبح يطفوا على الساحه
وأنا بعتبرها أنانيه وعدم قناعه والجرى وراء الشهوات والمال من أجل أن يعيشوا افضل مما هم عليه الآن
والبعد عن الله ورسوله بيجعل الأنسان غير سوى فى كل تصرفاته وكل أفعاله ووجوده فى الحياه بلا أهداف وإذا كان لديه هدف فالهدف أن يعيش بأى وسيله هو شايف أنها الصح مش مهم على أكتاف من يتسلق ولا من قوت من يسرق ولا يهمه الا مصلحته وحياته فقط ومن هنا انتشرت الرشوه والمحسوبيه والمجاملات وانتشرت اللا قناعه وأصبحنا نسير فى الدنيا كالقطار الذى لا يعرف طريقه ولا محطاته ولا أين يقف وأنا اعتقد أن دور الأسرة والتربيه الحسنه والقيم والتقاليد التى ضاعت وفقدها الكبار وحسوا أنها شىء قديم ورفضوا أن يعلموها للصغار والأبناء ففقدت القيم والعادات والتقاليد التى تربينا عليها وأصبح أبناءنا وشبابنا يمر بمراحل صعبه جدا ولا نلوم عليهم ولكن نلوم على من ربوهم وعلموهم ورفضوا أن يكون لهم مبادىء يسيروا عليها .
شكرا لموضوعك الجيد والجميل وعايز أقول لأخى الحبيب فارس مش كل واحد بيكتب موضوع قد يكون هناك مشكله له ولكن ممكن تكون رؤيه للشخص فى المجتمع أو مشاكل تتردد كثيرا أو تحول لمبادىء معينه أشكرك أخى لردك الجميل والمباشر ونصائحك القيمه تقبلوا تحياتى

اخى الحبيب فتحى شكرا لاهمية رايى المتواضع عندك والتعليق عليه
وكلامك صح طبعا بس ممكن كمان حد يتكلم عن موضوع يكون شاغله هو او يخصه هو نفسه خصوصا فى صفحة اسال ونحن نجيب
لاحتياجه للاجابة
وممكن تكون رؤية عامة مش شخصية
ده مبدأ معمول به دائما اخى الحبيب
وانا لم اجزم ان الموضوع شخصى انا بس قلت انا حاسس
يعنى مجرد احساس عندى مش يقين ولا اجزمت
وده اسمه تعاطف واخوة فى الله اخى الحبيب لم تكن تحتاج الاعتراض
شكرا تقبلو تحياتى

على فكرة أخى الحبيب أنا لم أعترض ولكن حبيت أقول أن حتى لو الموضوع شخصى
يكون ردودنا عامه بحيث أننا لم نحسس صاحب الموضوع بأن الأمر يخصه شخصيا
ودا رأى شخصى لى وليس اعتراض على ما تقول وأنا بعتبره توضيح ولك الحرية
تقبل تحياتى

العزيزة سوسو .. لدى عودتي للموقع بعد طول غياب وجدت سؤالك منور الصفحة .. والحقيقة استوقفني السؤال كثيرا وتمعنت كثيرا فيه وفي الإجابات الهامة التي سبقني بها إخواني في المنتدى ..فسؤالك هام جدا وحيوي ويمس حياتنا اليومية والأخلاقيات والأصول الواجب مراعاتها في التعامل والحفاظ عليها حتى يعيش الإنسان محافظا على كرامته التي هي رأسماله في الحياة
وبالفعل فكما ذكر أخي الحبيب فتحي فهذه الظاهرة موجودة منذ بداية الخلق وستظل موجودة إلى أن يرث الله الأرض ومن عليها .. قد تزيد هذه الظاهرة في حدتها وسعة انتشارها وقد تنقص تبعا لزيادة أو قلة من يجعل المال أو الوصول لمنصب أو جاه هو غايته في الحياة ضاربا بذلك عرض الحائط بكل القيم الجميلة التي ينص عليها ديننا الحنيف
أشكر لك عزيزتي إثارة هذا السؤال الهام الذي أرجو من جميع إخوتي وأخواتي في المنتدى المشاركة في الإجابة عليه وإبداء رأيهم القيم تجاهه
تقبلي تحياتي وتقديري أختي الفاضلة سوسو