مشكلة الازواج

تعرف ان فكرت كتير فى كلامك لقيت ان المشكله مش فى انى اتأكد من ان زوجى يحبنى او لا ولكن المشكله هو كيف نحافظ على هذا الحب بجد صعب مع مشاكل الحياه و الضغط العصبى اللى بنواجهه يوميا كتير انه يسمح لينا بالحفاظ على اعصابنا كمان الملل شىء سىء جدا تعرف انه مش بيحاول يغير من حياتنا زى ما هى مش بيحاول يعملى اى اضافه جديده او مفاجأه دايما ينتظر انى اطلب منه عشان ينفذ و اذا نفذ طلب يبقى كويس اوى ولان الزوجه اللى تربت فى اهلها يعز عليها ان تطلب طلب تجد انه لا ينفذ صعب عليها تطلب تانى لان عزة النفس غاليه قوى احيانا بالتمس له العذر و لكن فين وجودى فى حياته تفتكر ده ممكن يكون حب ممكن الزوج يكون بيحب زوجته بالكلام ولا ايه ممكن يكون الحب الحقيقى

عزيزتى أمنيه
كلامك جميل وواضح ومفهوم وعند حق فى كثير من الكلام الحفاظ على الحب لازم يصل الزوج والزوجه لفكر واحد وقلب واحد وجسد واحد وهذا يحتاج مجهود كتير من حوار وعمل والتعرف على نقاط الأختلاف ونقاط الأتفاق بحيث نقول أن نقاط الأختلاف اثنين أو ثلاثه أو اربعه ونضعهم أمامنا للحوار وكل واحد يبرر موقفه من هذا وكل واحد يفتح قلبه كويس ولازم يخرجوا بنتيجه مرضيه ولازم كل واحد يتعرف على الأسباب التى تؤدى الى هذا ومن الممكن أن تكون أسباب مرضيه ومقنعه وممكن تكون العكس ومن هنا المواجهه هى أفضل طريق لحل المشاكل ولازم نعرف لو المشكله الواحده تكررت فنعلم أن هناك شىء خطأ لازم نجلس ونتكلم فى هذه النقطه بحيث نمحوها من حياتنا نهائيا .
الملل فى الحياه دائما بيأتى من الفراغ أو الكسل أو عدم تجديد الحياه اليوميه أو انشغال طرف عن طرف لفترات طويله ويجب أن يضعوا جدول متفق عليه للحياه بينهم حتى يكون كل واحد عارف واجباته والتزاماته نحو الأخر حتى لا تحدث مفاجأت ونمحوا الملل من حياتنا .
الزوج لو طلب منه ولم يوفى بالطلب لازم افكر فى السبب هل هو بخيل يعنى دى حياته ومش لازم يكون بخيل مال ممكن يكون بخيل مشاعر واحساس أو ليس لديه القدره على الوفاء بما يطلب منه أو هو كاره العيشه وبيلاوع فى التزاماته لازم بالحوار ولازم يبدى السبب ومفيش أ، الزوجه بتعز عليها نفسها تعز عليا نفسها من أى انسان إلا زوجها .
أخيرا الحب دائما يهدمه كثرة المشاكل أو يضعفه والحوار الدائم دائما يقوى الحب والوضوح والصراحه فى العلاقه الزوجيه اساس لأستمرارها لازم من الحوار لازم من خلو القلب من أى شىء قد يفسد الحياه لازم نتفهم للحياه التى نعيشها لازم نقنع بعض بأسباب الأختلاف فى أى مشكله أو أى رأى لو كل واحد عرف السبب بطل العجب وعادت الحياه لطبيعتها وساد الحب والسعاده بينهم يارب اكتب لنا السعاده والحب والصبر والرضا بالمكتوب

بجد عزيزتى قلبى معك عموما عليك ان تتحملى فالزواج صبر