كانت صدفة

كانت صدفة
كان لقاء كانت صدفه
فى مكان بالنظرة والكلمة
بدون معرفة بدون فكره
كان لقاء بصدق وحكمة
مين غيرك ليه دبلانة
ومين يرجعك تانى فرحانة
وترجع رحتها تانى فيها
لونها اتغير من كتر مآسيها
دمعه ممزوجة بالحزن والأسى
قالت وحكت عن ما جرى ليها
كانت فى عيونها معاني كثيرة
عرفت منهم كل ماضيها
قلب مليان حب وتضحية
وفاء لرفيق كان يوم ليها
كان لازم بدمى ارويها
وقلبي من غدر الزمان يحميها
محتاجين لحب تانى وحنان
محتاجين ننسى غدر الزمان
نخلع الثوب الحزين
ونلبس ثوب الفرحان
بخيوط المحبة ننسجه
ثوب يغطى قلب عطشان
قلبى لكى مال وانحنى
لحنانك وعطفك ظمآن
ايدى وايدك قلبى وقلبك
نعبر بحور الأحزان
والنهار بعد الليل أكيد
يبدو بعد طول انتظار
والحاضر أفضل من الماضي
نستقبله بقلب فرحان
فتحى صفا

الله عليك٠ادمن وع كلامك تسلم يداك

شكرا لمرورك نورتى الموضوع