دي مصر صحبه سلام عود حنه من جنه عين فلاحينا ان شكت بتقول معانيها
نده الولد ع القمر سمعه القمر هدّا ،
عدى النسيم ع السجر حضن الورق ندا
لو ناي عزف للنغم يتلموا في الدوار سامر ومزمار وطيبه وحب وموده
دي مصر قيمه ومقام سبقت زمان جيلها
تعطش وتروي العطش من سلسبيل نيلها
هيه الأمان والحنان والقمري والقمره
بتلم أطراف ساحتها يرقصوا ف خيلها
مين غير بلدنا ف ليالي الحزن عزانا
عزانا العز مهما بعدنا بعدنا عزانا
تمللي تنسى الغلط وتحب وتسامح
وان جات تصالح ترقص خيلها ع الزانه
دي الأوله مصر قبل النصر منصوره
والتانيه مصر بعد النصر في الصوره
والتالته مصر هيّه وبس ع القمه
وعشان مهمه ف عيون الغرب منظوره
بحبك يا مصـــــــــــــــــــــــــــــــــر