بحبك يا مصر

بحبك يا مصر بكل ما فيكي....*‏***.... بحبك يا مصر وحياة عنيكي
قدام نيلك سهرت ليالي ....*‏***.... وانا محتاره و بشتكيكي
بشتكيكي لنيلك يا مصر ....*‏***.... الي كان ولسه بيحميكي
ليه يا مصر بتزودي عذابي ....*‏***.... ده انا كنت بسهر ليالي افكر ازاي ارضيكي
ليه بتدمري حلم كل ضعيف ....*‏***.... ليه بتدمري احلام في يوم كانت هتقويكي
ليه يا مصر سايبه نفسك لناس ....*‏***.... كل احلامها انها تفنيكي
مصدقاهم يا مصر ومكدباني ....*‏***.... ده انا وشبابك الي كنا بنحميكي
كنا بنحلم انك تحسي بينا ....*‏***.... بتدمرينا واحنا الي بادينا نخليكي
عماله تزودينا الام وتهدي فينا ....*‏***.... واحنا الي كل يوم بنبنيكي
احنا يامصر بنحبك وعمرنا ....*‏***.... ما هنسيبك للي يضيعك و يمحيكي
بحبك يا مصر بكل ما فيكي ....*‏***.... بحبك يا مصر وحياة عنيكي

كلمات جميله يا اسراء وأول كلمات ليكى فى الشعر
أتمنى أنك تكتبى كتير وتقرئى كتير ومنتظرين منك الكثير
تحياتى ليكى ولحبك لمصر

معاني صادقة تشعر المرء با الفخر وانتمائه لبلده ::تحيا لشعب مصر الشقيق وصر ام الدنيا::: نتمنى عودة مصر قوية ::: مجنون المنتدى ::تحياتي