حكم علينا الزمن:::::

حكم علينا الزمن اننا نيجى فى الاخر
نحكى فى تاريخنا القديم وبيه نتفاخر

ماضينا كان عزه وكرامه العلم فيه زاخر
حاضرنا اصبح هباب والخوف من الاخر

..................

تاريخنا القديم معروف للدنيا كأنه علم
تاريخ فعلاً مشرف بأعتراف كل الامم

تاريخنا كان أمجاد ووصلنا فيه للقمم
تاريخ كان عملاق للأسف انجب قزم

...............

عملنا زى القرعه اللى بتتفاخر بشعر جدتها
وبتشترى الامشاط للذكره وهى ناسيه بلوتها

ويوم ما تشوف واحده شعرها خفيف تعايرها
ياريت تشيل الطرحه بأيدها وتشوف قرعتها

كلامك صح فين تاريخنا وفين أمجادنا
فين صلاح الدين فى النخوه
كلماتك مضمونها جميل وعتاب رائع
تحياتى أخى

الحقيقة مرة دائماً

والتمستها في قسوة كلماتك

والاعتراف بها صعب

ولكنا مجبرين على الاعتراف

ليس مهم الاعتراف بل المهم العبرة والاستفادة ::شكرا للاطلاع