سلطة باذنجان (باذنجانية)

سلام عليكم
شونكم انشاءالله بخير
البارحة سويت سلطة باذنجان (باذنجانية) اتمنى تعجبكم
المكونات:-
2باذنجان متوسط الحجم
2 بطاطا متوسط الحجم
2 بصل متوسط الحجم
1 طما طة
1 خيار
الصلصة:-
4 ملاعق جبيرة كجب بارد
1 ملعة دبس رمان
عصير ليمونة كاملة

التحضير:-
نكطع الباذنجان شرائح طولية ونخليله ملح ونعوفه ع صفحة وبعدين نكمل تكطيع باقي المكونات
وراها نبدي نكلي الباذنجان وبعدين البطاطا وبعدين البصل (ميحتاج هواية تكلا)
ونخلي المكونات سوا

بعدين نحضير الصلصة بخلط مكوناتها



وراها نضيف الصلصة ع المكونات ونخلطهم ونعوفهم اقل شي نص ساعة حتى تتشرب المكونات الصلصة
وبعدين نزين الطبق ونقدمه




واااالف عافية
تحياتي