قصيدة اعجبتني

ملعون أبوك يا سكوت ....... أنا حلمي مش هيموت
لو سلسلوا خطوتي .......... أنا لسه فيا الصوت
لو كل يوم سحلوني ......... وبظلمهم عروني
لو بالرصاص قتلوني ........... مش هرضي ع المسكوت
30 سنة واكتر ......... صابر ومستنظر
... وبحايل الايام .......... علشان في يوم أقدر
أقدر أقول الحق ......... وأصرخ واقولها لأ
مسمار في نعشه أندق........ والشعب خط أحمر
قالوا لنا ياما زمان .........يا بخت اللي بات مظلوم
وقالوا اللي يعيش جبان ........ هيموت كريم مستور
ملعون أبوك يا زل .......... لو كنت يوم الحل
ملعون أبوك يا خوف ........... أنا لسة قادر أشوف
جايلك في ايدي الضيّ ......... جايلك معايا ألوف
لو عيني صفوها ............وأحلامي حصروها
لو روحنا سرقوها ........... واقفين لموتنا صفوف
أهين يا بلد العجب ........... من ظلم حكامك
هو عليكي انكتب .............. تشدي في حزامك
في أي شرع ودين ............. دمي يسيل ع الارض
حبسوني في الزنازين .......... هتكوا الحقوق والعرض
دوس علي الزناد نشن .......... اضرب كمان واقتل
صدري اهو مفتوح لك ............ولسه أنا مكمل
ولسة أنا مكمل .........

كلام جميل ومعبر وصادق من ناس تعبت سنوات طويله

المرض والجهل والجوع ارهقهم

الموت حاليا فى الميدان افضل من الموت على السرير

شكرا لنقلك الطيب