هـــام وعــــاجل ...

الإخوة الأحباء جميعاً
السلام عليكم ورحمة الله وبركاته
هذه رسالة حب وتقدير لكم جميعاً
أنا بصراحة عاتب عليكم لأني حاسس إنكم (كسلانين) شوية
المنتدى ده أنا شايفه منتدى رائع وزي الفل ..
كله إخوة وأخوات أفاضل ومحترمين ..
ماشاء الله .. كلهم مثقفين وعلى درجة عالية من الوعي وحسن الخلق ..
بس مش شايف غير عدد قليل جداً - يمكن يتعد على أصابع اليد الواحدة - هو اللي نشيط
والباقي .. رغم تميزهم وموهبتهم وروعة كتاباتهم .. تواجدهم ونشاطهم قليل جداً
وعلشان أنا بصراحة بستفيد من آرائكم وكتاباتكم .. وطبعا كلنا كذلك
لذلك أتمنى عليكم وأرجو المزيد من النشاط والحيوية
كل واحد مننا يكتب في الموضوع اللي يعجبه
وكلنا نرد على الكتابات والآسئلة
وصدقوني .. هتلاقوا نفسكم مستمتعين جداً
وهتكسبوا كذا حاجة ..
تنمية المعلومات العامة في شتى المجالات
وتنمية القدرة على الكتابة والتعبير
وتنمية القدرة على الحوار الهادف الواعي
والتعرف على إخوة وأخوات جدد
والإطار العام هو : الالتزام باللياقة في التعامل والاحترام المتبادل والأخلاق الفاضلة التي يحض عليها ديننا الحنيف وتقاليدنا الأصيلة
تحياتي وتقديري لكم جميعاً أحبائي..

عندك حق أخى الحبيب
ونلتمس العزر لأبناءنا الطلبه علشان الأمتحانات ربنا يوفقهم ونسعد بنجاحهم ان شاء الله
وباقى الأعضاء ياريت اضم صوتى مع صوتك بنسعد بهم دائما وبقلمهم وردودهم وفكرهم
وبجد البيت محتاجهم بيضيفوا جمال ورونق والبيت محتاج العيله والعيله هى انتم ياريت تعطوا لبيتك شويه من وقتكم وفكركم ربنا يوفق الجميع مع تحياتى وشكرا أخى على غيرتك على المنتدى

دعوة راائعه من انسسان اروع
معك حق اخى الطيب
كل كلمة كتبتها وجدت صدى مختلف عندى
فنبدأ جميعا توكلنا على الله
وان شاء الله كل اخوانا واخواتنا بيتواجدو بخير
يمكن فيه امتحانات الان
ندعو الله بالتوفيق للجميع
وال معندوش امتحانات هنعمل له امر ظبط زاحضار حالا
ههههههههههههههههه
شكرااا ليك اخى دائما سباق بكل خير

أخــي الحبيب فتحي .. أختي الغالية مصرية
ماشي علشان خاطرعيون أبنائنا الطلبة
نفوت لهم شوية علشان الامتحانات
بس بشرط يرفعوا راسنا ويجيبوا نمر عالية وتقدير كويس
التقدير الشعبي .. مرفوض مرفوض مرفوض
أما بقى اللي ماعندوش امتحانات
لو ما انتظمش .. وماواظبش
ذنبه على جنبه ..
قوة تنفيذ الأحكام جاهزة ومستعدة
هههههههههههههههههههههه
--------------------------
شكرا فتحي ومصرية على روعة المرور والكلام الطيب
تحياتي وتقديري