اسمى حسين

إسمى حسين
وسنى قريب م التلاتين
وعندى من الإخوات إتنين
مصرى وعصرى
وزى بقيت المصريين

والدى موظف فى المعاشات
والوالده زى الستـــات
جوه البيت بتربى وتتعب
لا بتشتكى ولاحتى بتطلب
عايشه ف ضل راجلها سنين
إسمى حسين

حبيت واحده معايا ف الجامعه
من سنه أولى لغاية رابعه
كنت مناها وكنت عايزها
وملقتش فلوس اتجوزها
وضاع الحلم ف غمضة عين
إسمى حسين

خلصت التعليم والجيش
وجواب التعيين ماجانيش
فكرت إنى اســافر بره
أو حتى أعمل أعمال حره
بس هجيب راس ماله منين
إسمى حسين

إتعود والدى على ظروفى
وعلى طلباتى وعلى مصروفى
ويقولى اصبر بكره هتفرج
وأنا روحى خلاص ثانيه وتخرج
ولا عارف أهرب على فين
إسمى حسين

حاسس إنى خلاص عجزت
وإنى لاجيت الكون ولاعشت
الأحلام بتعــاند فيه
والايام ماليانه أسيه
والباقى من العمر يومين
إسمى حسين
منقول