ليلة لمست فيها القمر

ليلة لمست فيها القمر
شفت القمر وأمنيتي ألمسة
حكيت معاه وانتظرت همسته
سرحت مع طيفه ونوره وضحكته
ومن شوقى ليه انتظرت طلعته
كانت سعادتى لما شفت فرحته
ظهرت على جبينه بسمته
فى عنيا نورة فى قلبى محبته
ايدى اتسحبت مشتاقه تلمسه
ياليل العشاق طول شويه
سهران مع القمر بقلبي وعنيا
من حبى ليه بخاف عليه
ومن فرحتى بيه مدتله ايديا
دا عهد بينا تفضل معايا
وحيكتبوا عنا افضل حكاية
خوفك منى لأغدر بعهدى
دا بينى وبينك اصدق رواية
كان أملى تسهر معايا
والليله اتحقق كل منايا
أنا وانت محدش معانا
مفيش بينا خيانه وكانت البداية
صمتك وسكوتك ساعات بيحيرنى
وحبك ليا صبرت عليا أيام وليالى
طفيت شمعتي بعد منورت
ليلى ونهارى ودنيتى
وعلى وجهى بانت ضحكتى
لما الحنان عرف طريقى وسكتى
حسيت معاك بالأمان بالحنان
وكأنى اتولدت معاك من زمان
حتفضل معايا وافضل معاك
كفايه العمر كله بستناك
واليوم عمرى حيبدأ معاك
واللى فات من عمرنا
ميش مكتوب فى سجلنا
ودونت عمرى وعمرك
فى سجل قلبى وقلبك
من يوم ما تولد حبنا
فتحى صفا

الحب جميل و القمر اجمل بس يا أستاذ فتحى هو القمر اللى انت لمسته هو القمر بتاعنا كلنا و لا ليك قمر خصوصى زى القمر الصناعى مثلا كنت عايزه اعرف لكن المهم انه كلام كله حنان من قلب مفعم بالحب و الحنان لك تحياتى

عزيزتى سوسو
لكل إنسان قمر يشبه القمر ويمكن يكون أفضل منه حسب رؤية وإحساس ومشاعر من يعشق القمر والقمر هو رمز من الرموز المعبرة للحبيبة ربنا يجعل كل أيامك حب وسعادة
شكرا لمرورك

الكلمات احساسها عالى اوى
دائما متميز
شكرا لك

شكرا يا نور على جميل كلامك وصدق تعبيراتك
تقبلى تحياتى وشكرا لمرورك

حتفضل معايا وافضل معاك
كفايه العمر كله بستناك
واليوم عمرى حيبدأ معاك
واللى فات من عمرنا
ميش مكتوب فى سجلنا
احساس جميل
لعهد مكتوب
وامل منشود
اتمني تكمل فرحتك بوجود القمر في كل لياليك

أهلا بيكى
مرورك أسعدنى جدا وكلماتك أثلجت صدرى
تقبلى تحياتى

زائر

ياليل العشاق طول شويه
سهران مع القمر بقلبي وعنيا
من حبى ليه بخاف عليه
ومن فرحتى بيه مدتله ايديا
دا عهد بينا تفضل معايا
وحيكتبوا عنا افضل حكاية
خوفك منى لأغدر بعهدى
دا بينى وبينك اصدق رواية
احساس عالى قوى وجميل ارجو تقبل مرورى

أنا بشكرك لمرورك وكلماتك الجميله
تقبلى تحياتى واحترامى وتقديرى
وكل عام وانتى بخير