حوار بين حبيبين

حوار بين حبيبين
أول لقاء
هو
صباح الخير لأجمل فتاه
بجد من زمان لفتى نظرى
من ساعة ما شفتك دق قلبى
حاسس انى اعرفك وتعرفينى
وياريت بالحب توعدينى
هى
حسيت كتير بنظرة عنيك
حسيت بإنى أميل اليك
وكأنى بين اديك
بس لازم تعرفتى واعرفك
علشان اوافق عليك
ثانى لقاء
هو
من ساعة ما سبتك بفكر فيكى
وقلبى وروحى بيناديكى
وعمرى الجاى ليكى
عيونى تشوفك ورمشى يغطيكى
وبعطفى وحنانى ارويكى
هى
مشكلتى كلامك بيدوبنى
وطيفك أمامى بيسهرنى
وحبى ليك محيرنى
وخايفه من يوم تتركنى
اللى بينى وبينك كلام
ومن أهلى ياريت تطلبنى
ثالث لقاء على التليفون
هو
الو أحسن الو سمعتها ودنى
إزيك يا أغلى من روحى ودمى
وحشتينى وبعدك عنى بيتعبنى
مستنى اليوم تقولى لبابا يطلبنى
من كلامى عنك ماما بتسألنى
عن أوصافك وقالت خليها تكلمنى
هى
رنيت عليك كتير ليه ما بتكلمنى
فين رسايلك اللى كانت بتفرحنى
اهتمامك راح فين ليه بتتعبنى
لو فيه حد غيرى فى قلبك عرفنى
ياريت تكون صريح وبلاش تعذبنى
هو
يا بت دنا بدوب فيكى
وروحى وقلبى بيهواكى
يا ورده ومين يقطفك غيرى
بس مشاغل وانتى عرفانى
بحب شغلى وقلبى بيهواكى
هى
بتضحك عليا بكلمتين
وبتمثل عليا يا نور العين
بصدقك علشان حبيتك
دا قلبى حبك قبل العين
ولو جاد فى حبك
تعالى يوم الأثنين
وهات معاك بابا وماما
واحنا فى البيت منتظرين
رابع لقاء بعدين
فتحى صفا

حوار حلو٠ورائع٠يفكرنا بأيام شببنا فأنتظار رابع معاد تقبل مروري

شكرا أخى الحبيب لمرورك نورت موضوعى
تحياتى واحترامى