أحبك قلتها بقلبي وباحساسي وبلساني
كثيـــر قلوب ترجيهــــــا ولكن لا يهمونك
أحبك ما أبي غيرك ولو غيرك ترجّاني
أنا شاريك مــــا بيعك إذا غيري يسومونك
أموت اشتاق لك كلي أبيك تزور أعياني
خفوقي ينــــــــزف وله واشواق من دونك
أطير من الفرح لا من لفى صوتك وحيّاني
أحس اني أهم الناس لا من قلــــتي شلونك
ألوم النفس لا قلتي بكيت وما أحد جاني
أنا وش عـــــاد يضحكني اذا العالم يبكونك
إلى منّك تضايقتي أنا المسؤول والجاني
أنا المفروض مـــا أرضى أخلّيهـم يزعلونك
أحبك زود عن روحي عن اعمامي عن اخواني
وباقي الناس يا عــــمري ترى والله يفدونك
عليم الله لا قلت ( أحبك ) زالت احزاني
واذا قلت أحبك موت صحت وقلت مجنونك
غدير الحب فيقلبك حنان ولهفـة ارواني
أذوب بهمسة ٍ عذرا وأثبت إنـــــــي مفتونك
أنا في دنيتي تايه ولا ادري وين عنواني
ويوم اني عرفتك صــار عنواني هو عيونك
أغار من امك وعمك وهذا وذاك والثاني
أغــار من اصغر اخواتك ولا ودّي يشوفونك
منى عيني أضمّك لي وامسّح ذيك الاوجاني
ألاعب خصلة ٍ يمنى ويسرى تعتلي متونك
عيوني لو طلبتيها لقيت الكل هناني
ترى روحي مع عيوني مناهم بس يرضونك