أوهام الحب

أوهام الحب
بين ظلام الليل ونور الفجر
أخترتك
بين حيرة فكرى وقلبي وروحي
صدقتك
وبسرعة والناس نيام صحيتك
وكلمتك
وبشرتك بعد ما وافق قلبي
لقلبك
تعبت كتير أوافق ولا أرفض
عرضك
سنين طيفك أمامي أفكر وخايفه
منك
رفضت كل عروض الحب بفكر
فى حبك
غيرت فكرى وحياتي وشكلي
من أجلك
الليلة اللى ما شفت فيها القمر
كأني ما شقتك
حبيت كل الزهور والورود لأن فيها
رحتك
حبيت حياتى وبيتى وجدراني عليها
صورتك
حبيت الليل والناس نيام أفكر
أني لك وحدك
اتفقنا على الحب وكان يوم
سعدى وسعدك
وحسيت أن الماضى ضاع من
عمرى وعمرك
واليوم أتولدنا وكتبنا تاريخ ميلاد
حبى وحبك
فرحت لما اتفقنا وتعاهدنا
على ظروفى وظروفك
وإيماني أن مفيش قوة تبعدنى
عن قلبك
ولا يوم دموعي تنزل واندم
على حبك
ولا قلبى ينجرح وينزف
من ظلم قلبك
طمنتني وريحتني وأوهمتني
بحبك
وفى لحظة غبت عني وبعدت
وده مش طبعك
افتش عنك فى وسط الناس
ومجنونة بحبك
ليالي طوال لا نوم ولا راحة
أبحث عن حضنك
وانصدمت لما عرفت أني مكنش
لي مكان عندك
واللى كان بينا وهم وخداع وهجرت
عشي وغبت عن عشك
ليه بعدت عن قلبى بعد ما اتعود
على حضنك
ليه رخصتني وأنت لسه أغلى
ما أملك
ليه بعدت عنى وانت لسه
بتملك قلبى
كلامك اتغير وحنانك ما عاد
يوصلنى
رسايلك انقطعت وصوتك
غاب عن ودني
مش قادرة أصدق أنك خلاص
بعت وكنت أخر صبرى
وازاى أنسى وعودك وحبك ليه
خدعني؟
ومين يداوى جرحى
ومين من الموت ينقذني
ليه خليتني أفرح والحياة تضحكلى
وفى لحظة خليتني أندم وأبكى
كنت فكراك إنسان بشهامتك
تغمرني
لو كان السبب منى تشوف دموعي
تعزرني
ولو كان السبب منك أعتب عليك
بس ما تهجرني
مع أول اختبار لقلبى وقلبك
بمكالمة رمتني
وكأني مش بشر
الله يسامحك ويسامحني
فتحى صفا