Admin administrator
عدد الرسائل : 3996 العمر : 65 العمل/الترفيه : مدير الشئون الإدارية السٌّمعَة : 2 نقاط : 2522 تاريخ التسجيل : 29/12/2007
| موضوع: أنا عصبى الأحد ديسمبر 23, 2012 3:12 pm | |
| أنا عصبي أيوه أنا عصبي مش من نفسي ...ولا من طبعي ولا من فقرى ... ولا واخده وراثة ولا قلة حيلة بس الناس صبحت ع التيلة أعمل أية ما أنا قلبي على طول حامي والأوضاع دي مش عجباني علمتوني أكون حقاني بس الحق دا مبيرضيش *** علمتوني وأنا فى القرية م أخبيش وإن خبيت مش لازم أعيش حتي قلولي لو أنت ظلمت أعرف يومك ميعديش *** حلفتوني ضميري يكون صاحي وأبات وضميري ميوجعنيش أوعى تخاف من حاكم ظالم حتى ولو ما تلاقي العيش قولولي اللي ظلموني وخذلوني ونهبوا حقي ومرحمونيش وقولتولي ما تسيب حقك وحقي تايه مش باين ولا عارف أزاي أجيبه والبجاحه لما أطلبه يقولولي مليش دى عصابه ومحترفين ولينا مش فاضين بان عليهم الملايين والله منفوخين ع الفاضى وبين وبينكم القانون وعدالة القاضي ولو يرضيكم ظلمهم ما يرضنيش هو أيه فى البلد ميعصبنيش *** البزرة سرطنوها ... ولما نبتت حقنوها والخيار أصبح آته ... والفاكهة زى الفته والخضار ما بيغذيش ... وبناكل بس...عشان نعيش هو أية فى البلد ميعصبنيش *** الفلاح يزرع ويروى ويعزأ ويحصد ويألع على مفيش هجر أرضه من كتر الدين ويشوفله شغلانه تجيب قرشين باع اللبن والبيض أكله وأكل عياله ويغمس بالمش العيش وإن شالله عنك ما تغذيت *** باعوا الغاز ومفيش بوتجاز وسابونا لوابور الجاز والأنبوبة مش لاقين ... وأنا وانتم عرفين عند مين مش مكفيكم البنزين والسولار والله خليتم عقلنا طار واللى يريحنا وعايزينه أنتم مش عايزين *** حتى رغيف العيش ... النار مبتسويش أصله مش خبيز ... كله عجين فى عجين بخلطة المسامير يرفض ياكله الخنزير *** قالوا التعليم ببلاش وقالوا عليه مجاني مجاني في الدستور وفى الواقع بفلوس طيب نعمل أية في زحمة الفصول وكتاب مزحوم بكلام مش مفهوم وضمير معدوم وإنتم يعيني مظاليم وأنا أصبحت الجاني أيه فى البلد ميعصبنيش *** أتكلمنا كتير ومش سامعين واصبرنا وارضينا واتعبنا واشقينا وأبسط حقوقنا مش لاقين كلمتهم علينا تعدى وكلامنا أحنا ما يعديش ولو عايزينه يعدى أدفع فى صورة بأشيش أيه فى البلد ميعصبنيش *** أصبحت البلد ملكهم وإحنا شغالين عندهم بدون لوايح ولا قوانين ونغمي عنينا كأننا مش شايفين ولازم نفضل صامتين عن الحق ساكتين وأيه فيكي يا مصر ميعصبنيش فتحى صفا | |
|
lava عضو جديد
عدد الرسائل : 12 العمر : 34 السٌّمعَة : 0 نقاط : 14 تاريخ التسجيل : 08/04/2012
| موضوع: رد: أنا عصبى الثلاثاء يونيو 11, 2013 4:33 pm | |
| كلامك روعة عن جد سلمت يداك | |
|