للبنات وبس نصائح من ذهب

زائر

الولد بيحب البنت الـــــــ.......... اى؟؟؟؟؟؟؟
أولا : الولد بيحب البنت الرقيقة

رفعوا صوتكم يا بنات
و أول ما تشوفى حاجه وحشة .. سورقى (يغمى عليكى) من كتر الرقة
عيطى كتير . العياط دليل على الاحساس المرهف . أوائى له .. نكدى عليه الليلة

ثانيا الولد بيحب البنت الرومانسية

اسرحى كتير كلميه عن القمر و حاجات من دى .قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى .. وشوشة

ثالثا : الولد بيحب البنت المؤدبه

قولى له انه اول واحد فى حياتك حتى لو كنتى متجوزة قبل كده و حامل فى توأم..
و لو سأل على انتفاخ بطنك قولى له كيس دهنى
و لو عارف و متأكد انه كان لك علاقات كثيرة مثله
دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل style

كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقى على الموضه
ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها

خامسا :الولد بيحب البنت الدلوعة
ادلعى ياختى انت و هى . ما تبقوش كده
ادلعو مانا هدبحكو بس فى الاخر

سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير
ولا بيهمنى أبدا منهم ايه يعنى اكون حلوة فى عينهم
ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك

سابعا : الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى
. يا سلام !! ايه الشياكة دى كلها . انت أشيك ولد شفته فى حياتى
ده انت من اشيك تلات شباب فى امبابة
.(مش مهم هو لابس ايه . انبهرى زى الهبلة و خلاص )
يا سلام !! انت تقاطيع وشك حلوه بشكل ( حتى لو كان على الشريف اوسم منه) اتفقنا؟
و طول مانتى قاعده اشكرى فيه خليه كده قاعد نافش ريشه . و فرحان بنفسه

ثامنا : اتمحكى فيه ( الزقي له ) اخنقيه خليكى دايما معاه

كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه . روحى له الشغل
اكبسى عليه مع السكرتيره

تاسعا عددى مواهبك
اكلك لازم مظبوط
قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق

عاشرا رغم حبك الشديد للحريه والانطلاق

قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن

النتيجة :

لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك يتفكرى .. سهريه .. لوعيه .. بهدليه .. لكن ماتتقليش العيار ليطير منك

لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه وشافت النصايح دى قبلك

ملحوظة :
كررى الخطوات من 1 - 10مع ولد تانى
بعد جمع معلومات و عمل تحريات عنه و التأكد من انه فاضى
غير مرتبط .. و ربنا يوفقك اسمعى كلامى وانتى مش هاتروحى فى داهيه لاسمح الله
ولا انا هدبحك ولا البيت هيقطعوكى ولا بابا هيموتك ولا اى حاجة
سهلة مش كدههههههههههههههههههه

ههههههههههههههههه
ده انت اخ مثالى فعلا
بجد ظريفة جداا
تسلم ايدك
اوعو تسمعو كلامو يابنات ده هيطفش العرسان

هههههههههههههههههههه
ونعم النصائح يافارس
إيه رأيك تشتغل واعظ؟
صدئني .. شهرين والكل يروح في داهية
هههههههههههههههههههه
رائعة أخي فارس

زائر

شهرين ده كتير جدا احنا لسة هنقعد شهرين هههههههههههههه
النصائح دى مهمة جدا لاختنا الصغنونة سالمينا عايزين نشوف رايها فيها
شكرا اخى الحبيب سعيد بتشرفنى وتسعدنى بمرورك

رائع أخى فارس
اختى مصريه
أخى سعيد
أيه رأيكم نعمل باب للزواج والمشاكل العاطفيه وأخونا فارس يكون فارس عليه ممكن نكسب كتير ههههههههههههه ايه رأيكم شكرا أخى الحبيب فارس على ما ابدعت

وانا اشجع هذه الفكرة جداا واؤيدها
ههههههههههههه
الراجل ده طيب والبنات والشباب هبعتزلو الحياة العاطفية بمجرد تدخله

زائر

لا ارسو على حال
اشتغل واعظ ولا احل مشاكل عاطفية
دى نصايح انتو متعرفوش قيمتها لانكو استنو بس لما سالمينا تشوفها ونشوف رايها
هى اللى هتنصفنى هههههههههههههههه
نورت الموضوع اخى الحبيب فتحى

ههههههههههههههههههههههههه
انا هنصفك ده انا وقعت كوباية الشاى من كتر الدحك
نصايح تجنن هسمعها وانفذها بالحرف
بس فيه حاجة عايزة افهمها
اشمعنى يعنى اشيك ولد فى امبابة هههههههههه
كل البلاد ليها محطة الا امبابة ليها مطار ههههههههههه
لا بس حلوة موت هوريها لبابايا واتلقى وعدك بئى تعالى تعالى متخفش
هيفهمك غلطك بس مش هيعملك حاجة

صح اشمعنى امبابة يعنى؟ههههههههههههه
دايما كده بتجيب الكلام لنفسك ههههههههههه مش هتهمد ابداا يافارس

زائر

ههههههههههههههههه يجنن تعليقك ياسالمينا
كل البلاد ليها محطة الا امبابة ليها مطار ههههههههههههههههههههه
ماشى ياعم ريكو ياجميل مع انى مبحبش ريكو بس حبيته عشان خفة دمك
خلاص متزعلوش
ده ولد من اشيك تلات شباب فى روض الفرج ينفع كده؟ههههههههههههههههههههه