أنـا عـنـدى مـشـكـلـة

بسم الله الرحمن الرحيم

انا قلت يعنى نشغل الصفحة دى شوية هههههههههه
لا انا فعلا عندى مشكلة حقيقية
مش جديدة لكن محيرانى جدا ومش عارفه آخد فيها اى قرار
قلت اضعها بين ايادى اخواتى اكيد ممكن يساعدونى فى اتخاذ القرار الصح

هل توجد صداقة بين الجنسين؟

الصداقة من رؤيتى انا
علاقة جميلة اوى ومن ارقى العلاقات الانسانية
وضرورى يوجد فى حياتنا الصديق لاهمية دوره وتاثيره فى حياتنا
صداقة طبعا يعنى علاقة خالية تماما من الاهداف والمصالح
مبنية على الثقة والوضوح والارتياح
وصديق يعنى ائتمنه على نفسى واسرارى
وتظهر امامه لحظات هزيمتى ويعرف عنى نقط ضعفى
واتكلم معاه بلا خجل ولا خوف ولا تحفظ
حتى لو غلطت ادور عليه واجرى عليه علشان اقوله انى غلطت
ونختلف او نتفق مش مهم المهم...نكون اصدقاء
دى الصداقة ال انا اعرفها وطبعا ممكن يتكتب عنها كتب
هل هذا يمكن ان يحدث بين رجل وامرأة صداقة حقيقة؟
اقصد طبعا انه غريب عنها مش من المحارم
ده سؤالى

وللأمانة حتى مايساء فهم مشكلتى
كلامى لا اقصد به انتقاد شئ فى المجتمع ولا اقصد الكلام عن اى اخ او اخت
كلامى بمنتهى الامانة عن نفسى وشئ داخل نفسى يحيرنى فيها
احيانا أتقابل مع اشخاص أجدهم محل ثقة وأود لو اننا نصبح اصدقاء
لكنى اخشى الفكرة جداا رغم احتياجى لها
واستبدل كلمة صديق بكلمة اخ لاجتناب الشبهات ليس الا
واتعمد دائما ان تحمل كلماتى كلمة... أخ...لتجنب الشبهات
واقصد بتجنب الشبهات فى نفسه هو
اخشى ان يفهم من كلماتى تلميح لا اقصده فيسئ فهمى
فاجدنى اضطر للتحفظ الشديد
هذه مشكلة تصادفنى فى شغلى ومع الاهل والمعارف وبينكم وفى مجتمعى بصفه عامة
واتهمت من قبل البعض حتى من اهلى هههههههه و عائلتى
انى متحفظة زيادة رغم عدم الحاجة لذلك دائما
فهل منكم من تعرض لمثل هذه الحالة ومر بهذا التفكير ؟
ولا انا حالة نادرة ولا اى؟ ههههههههههه
مارئيكم؟
هل هذا تحفظ زيادة؟
هل ممكن تتوجد صداقة حقيقية بين الجنسين ويكون الخطأ غير وارد من الطرفين
فتظل صداقة حقيقية راقية نظيفة؟
ده ممكن يحصل؟
شكراا واسفة طولت عليكم واقحمتكم فى دماغى شوية
احترامى لكم جميعا

أختى العزيزة
الصداقه بين الجنيبن أصبحت حتميه ولكن لازم يكون لها حدود حتى يعلم كل طرف أنه أختار الأختيار السليم
الصداقه أصبحت حتميه لوجود الأختلاط البين فى المجتمع فى المدارس فى الجامعات فى العمل بين الجيران بين الأهل وتبدأ الصداقه بالتعارف ثم بعد وقت من دراسة أخلاقيات الطرف الأخر وأن نجد فيه كل أسس الصداقه من الصدق مع الله ثم مع النفس ثم مع الأخرين أنسان أو إنسانه سويه تتقى أو يتقى الله فى كل أفعاله صريح واضح وفى يضحى من أجل الصداقه يخاف على الأخر يحترم الأخر يحترم المشاعر والأحاسيس أى يحترم الصداقه بكل معانيها وبعيد عن المصالح والأنانيه والحقد والشهوات فهن يكون هناك ارتباط قوى للصداقه التى لا تخيف فالصديق ممكن يكون سند قوى لصديقته يظهر وقت الشده ونستشيره فى كثير من الأمور بدون خوف ولا رهبه .
فأنا لى تجارب كثير للصداقات بين المرأه والرجل وهى معتدله جدا يختلفوا كثيرا فى بعض الأمور ويتفقوا فى بعضها ولكن كل واحد منهم يخاف على مصلحة الأخر وإذا استشير ينصح لمصلحة الأخر وليس لمصلحته شخصيا والصديق الوفى بيظهر بسرعه إذا كان صديق يؤتمن على أنسانه أو لا من أفعاله لأن الصداقه ليست كلمات ولمنها أفعال وكلها تضحيات .
فإذا أحسنا الأختيار ستكون صداقه ناجحه طالما الأثنين يتقوا الله فى كل أفعالهم ولديهم مبادىء وتقاليد وعادات وقيم ومن يتقى الله يجعل له مخرجا صدق الله العظيم

شكراا لاهتمامك بالرد اخى فتحى
ردك افادنى بالتأكيد
واتمنى لصداقاتك تدوم وتعين دائما على طاعة الله وتجاوز محن الحياة
شكراا ليك اخى ربى يسعدك برضاه

اختى مصريه لك تحياتى اختى لا توجد اصلا صداقه بين رجل و امراه يمكن ان توجد زماله او اخوة ولكن لاتتعدى الامور اكثر من ذلك لان الاصل ان الله خلقنا على الفطرة خلق رجل و امراه وكل واحد يبحث عن الاخر فاذا تحولت الامور الى صداقه فسوف تتحول تدريجيا الى اشياء اخرى فلا تندفع النساء الى هذا الوهم الكبير لان الرجال يظلوا يبحثوا عن المراه و قد تطورت العلاقات بين الرجل و المراه تحت مسميات كثيره للنيل منها و هى مسميات كلها من الغرب ليست فى ديننا و لا عادتنا و تقاليدنا والتعارف تحت هذه المسميات لن يجلب الا الندامه خاصة اذا كان احدهما لا يتقى الله سواء كان رجل او امراه تقبلى مرورى

اختى الغالية سوسو
بجد انا فرحانة انكِ شفتى سؤالى ورديتى عليه
بشكرك جدااا اختى الجميلة
رأيك افادنى جداا
افادك الله بما علمك وعلمك مايفيدك
تحياتى واحترامى

اختى الحبيبه مصريه انا اكثر منك فرحا لان المراه لابد ان ايكون لها دور فى التربيه و التوعيه الخالصه لوجه الله قد يكون الكلام على غير هوى الكثيرين و قد يعتبرونا جيل قديم و دقه قديمه لكن من يتحرر زياده عن المالوف لن ينجى من الوقوع فى الشبهات فلنتقى الله و نتقى الشبهات وكل شىء زاد عن حده انقلب ضده على راى جدتى كلمة حق نسال عنها يوم القيامه

أختى مصريه
سوسو بتقصد أيه من الكلام ده هههههههههههههههههههه الكلام على غير هو الكثير
هههههههههههههه ايه رأيك نحاسبها على الكلام الكبير ده ولا ايه على العموم رأيها فيه كثير من الصح الا من رحم ربى شكرا لكى ولسوسو على الأفاده وانا فعلا استفدت من رأيها

ههههههههههههههههه
سوسو اختنا الجميلة ولا تقصد الا الخير اكيد
هى بس عايزة تقولى
ندااء
مصرية لا تأخذى هذا الدواء... الدواء به سم قااتل
يارب الكثيرين يفهموا ههههههههههههههههه

شوفى يامصرية بعد اذن الاخت سوسو ومنطقها الذى احترمه طبعا
الصداقة بين الجنسين موجودة بس مشروطة
طبعا اضافة لكل الشروط اللى اتقالت منكم فيه شرط تانى بعد اذنكو
انها تكون معلنة مش سرية
يعنى مينفعش واحدة متجوزة تصادق واحد مثلا ومن غير علم جوزها
ومينفعش واحد متجوز يصادق واحدة من ورا مراته مثلا
دى مش صداقة ولا اقدر اسميها صداقة ودى تحمل كل الشبهات
لكن اتنين مش متجوزين وصداقتهم معلنة امام مجتمعهم سواء كان شغل او غيره ومفيش حاجة فى الخفا
دى تخافى منها ليه
طالما فى النور فافتحى لها الباب ووسعى دائرتها وخليها عائلية ومتخفيش ابدا
مصرية من قلبى ليكى كل الاحترام على سؤالك ده
لانه بيوضح حاجات كتير كلها تقول انك انسانة راقية وجميلة ونعمة من عند ربنا
ربنا يحميكى

شكراا لاجابتك فااارس
افادتنى كتير فعلا
ربنا يكفينا شر الخفا ومافيه
ولفتة جميلة نبهتنى ليها كل شكرى واحترامى ليك اخ عزيز وغالى

هههههههههه انا كمان عايزة اشغلكو الصفحة دى شوية
هههههههههههه من ناحية متحفظة اه متحفظة يامصرية
اه فيه صداقة بين الجنسين بس مش كتير
عشان لازم الاول تفوت على الاختبارات والمعامل ههههههههههه
لازم تمر العلاقة بمواقف تختبرها
وكل اختبار تنجح فيه يبنى طوبة فى الصداقة
لان الصداقة مش علاقة قرارية ناخد قرار اننا اصدقاء
الصداقة تكتسب ولا توهب مش كده؟
وكمان لازم تكون علنية ومش علاقة سرية
احلى الصداقات هى اللى بتكون داخل تجمعات
يعنى مثلا مجموعه زمايل كلهم مع بعض زمايل لكن فيه اتنين زادت علاقة الزمالة يوم بعد يوم لما اصبحت صداقة
بس فى النور والاتنين مؤدبين ومش بيتخطو حدود الاحترام
صح؟ قولو صح ياسالمينا ههههههههه

صح ياسالمينا هههههههههههه اى خدمه
شكراا حبيبتى على اجابتك اكيد افادتنى
وكمان عجبتنى

صح يا سالمينا
أجابتك جميله جدا وعايزه تقولى أن الصداقه لازم يكون لها حدود حتى نطمئن أننا نتقى الله فى هذه العلاقه وعلنيه طبعا لازم تكون علانيه وعلى كل من يهمه الأمر صح يا سالمينا كلامك جميل

اختي الغالية ..
استمتعت جداً .. بهذه الحالة الجميلة من الحوار الراقي النبيل بين إخوة وأخوات .. وإبنة غالية .. أعتز بانتمائي لهم
غريبة شوية لما الواحد ينتمي لبنته .. صح ؟
هههههههههههههههههههههههههههه
ماعلينا
واستفدت أيضاً كثيرا من كل هذه الآراء القيمة ..
سوف أقول رأيي وباختصار شديد ..
أي علاقة .. تقوم على دعامتين رئيسيتين لابد منهما .. هي علاقة ناجحة ومشروعة من وجهة نظري
تقوى الله .. والحب في الله
في رأيي أن هذين الشرطين لهما الأهمية المطلقة .. وبعدهما تأتي باقي الأمور
و لا اختلاف بين أن نسميها صداقة .. أو أخوة ..
فالصداقة في نظري .. هي مرادف للأخوة في الله ..
شكراً أختي الغالية على سؤالك الهام
----------------------------------------
على فكرة ..
عنوان الموضوع فكرني بالغنوة الجميلة للفنانة شادية والتي تحمل نفس الإسم
بس طلعت الغنوة في ناحية .. والموضوع في ناحية تانية خالص
هههههههههههههههههههههههه

انا عندى مشكلة
الحب جديد عليا
وحكايته مطولة
يالى حبيتو قبلى
وصادفتكم مشاكلى
اروح لمين قولو لى
يحل المشكلة
صح كده يافندم
هى دى اغنية شادية ال تقصدها؟
اى خدمة حضرتك
بس دى كنا بنسمعها من عشرين سنة اخى
دلوقتى بنسمع ايها الراقدون تحت التراب
شكراا لمرورك الجميل اخى افادتنى وجهة نظرك كثيرااا

هههههههههههههههههههه
ليه كده منى؟
اومال انا اقول ايه
من عشرين سنة لو شفتك كنت جيبتلك بونبون
وجيبتى منين ايها الراقدون تحت التراب دى كمان هههههههههههههه
عليكى قفشات مش ممكن
بجد ملكيش حل
هههههههههههههههههههههههههههههه